ہک اندازے موجب پچھلے 77 سال اچ اساں 150 کھرب تک لوکیں دے دفاع تے خرچ کیتے
(اے صرف سرکاری اعداد و شمار ہن، باقی حقیقت ساریاں کوں پتے)
اے رقم اتنی ہوندی اے۔۔15000000000000
ول وی ساݙے کولوں اَڄ اتنی سکت کینی جو سرائیکی وسیب اچ لُڑھدے مَردے لوکیں کوں ریسکیو کر سڳوں نا ہیلی کاپٹر، نا ائیر لفٹنگ ڈرونز، نا کوئی لائف جیکٹ، نا کشتی، نا ریسکیو دی کئی گاݙی، ، نا ٹُکر پاݨی
ایں ملک اچ پنج سو کنوں ودھ ہیلی کاپٹر وی تے ہزاراں کشتیاں وی، سڑکاں پُلاں دا معاہدہ کرݨا ہووے تے سَت سمندر پار کنوں وی لوک آ ویندن، جے لوکیں کوں بچاوݨ آلے ڈرونز دی گال تھیوے تاں او جاتی امرا اچ وی لاگ ودے بݨیدن
نیشل تے ملٹی نیشنل کمپنیاں کولوں کمیشن کھاوݨ اچ تے اڳوں اڳوں ہوندن پر اتھاں تے َکھنگ دی شیشی وی ننہیں ݙتی۔۔
کجھ ساݙے اپݨے سئیت وی اینجھے ہن، اتھاں بی ڈی ممبر وی ساݙے کیتے آئی جی توں گھٹ کینی ہوندا، ݙڈیہاڑی دار بندے پورھیا کر کر تے ٻالیں دا ٹکر پورا کریندن اے تے انہاکوں سال پسالی سیلاب لوڑھ چھوڑیندے۔۔ بچ پوون تے بیڑی آلا ہک پور دا لکھ لکھ روپے منگدے، روون پٹن تاں اوہے سیلاب دے مارے جیل وی ویندن، ہک ہک لوں جنہاں دی چکی اچ آئی پئی ہووے تے ول اتوں مہربان ٹک ٹاکر وی آ ویندن، ہاں بھئی سدھے تھیوو، محمد بشیر، نمبر 11 ، ایکوں پا کھنڈ دا تے گھیو دی بوجھی ݙیوو تے فوٹو وی بݨا گھنو۔۔کِن تے مَرن شودے، باقی اے پاݨی کتھوں آئے تے کیویں لوکیں کوں ٻوڑس، اوندے پچھوں وی تمام ہَتھ انہاں دا ہے جنہاندے ہینڈ بیگ وی ہزار ہزار ڈالر توں گھٹ کینی۔ اساں تے جنم جنم دا خون ݙتے پر ساکوں صرف ایہو لوڑھا بچے، ساکوں موت پروس پروس تےݙتی ڳئی اے۔۔ دھرم ہتھوں بچوں تاں ترقی ہتھوں مَردے ہیں، ترقی ہتھوں بچوں تاں غربت ہَتھوں مردے ہیں، غربت ہتھوں بچݨ دی کوشت کروں تے شناخت دے بحران ہتھوں، ول چَھل بوڈ ساݙا نصیب بݨ ویندن۔۔۔ ساکوں وی سمجھ آڳئی اے جو لاہور دی ہک ہاؤسنگ سوسائٹی تے سارا سرائیکی وسیب واریا ونج سڳدے۔۔ اے کمی کوہترے نان سینس ایڈیٹ ، انہاندی جان دی کیا قیمت اے؟ کجھ کوئنا۔ اے ٻس کیڑے مکوڑے ہن ریاست کیتے۔۔۔ بچ پئے تاں اپنڑے سر تے جی پئے تاں جی حضوری کیتے۔۔۔ ایہا چھل ٹل ونڄے ول نون لیگ وسبے اچ ووٹ منگن وی آسی؟ جے ساڈا وی نک بچیا ہویا تے ایہو آکھسوں ” جیہڑا نون لیگ کوں ووٹ ݙیسی او ماء دے ۔۔۔۔۔ کوں ووٹ ݙیسی “
ایہو حال ریہا تے اے پوری تہذیب بوڑ چھوڑیسن۔ ایہے انہاندے ڈیم، بند، کارپوریٹ فارمنگ تے نہراں دا چکر پوری سیولائزیشن کیتے موت بݨ ویسی۔۔