“سادہ پرکھ” والی ڳالھ سَر۔اکھیں تیں۔
پر ھݨ ایں ڳالھ دا اٹ۔نیوٹ زروری ئے تاں جو سرائیکی سِکشک (سٹوڈینٹ) سئوکھ کوں آپݨا ہق نہ سمجھ گھنے۔
سِکشا دی ہک الائت ہوندی ئے، اوکوں اونہہ الائت وچ سکھݨا تے سودھݨا پوندے۔ تہوں ‘اڑدو دی ‘بھروڑ ژولیدگی’ کوں تھولا ہک پاسے کر کیں، اَڃوکی سِکشا دو اویجیے۔
سکشا ھُݨ /سرائیکی + انگریزی/ وچ ہووے۔
انگریزی زروری ہے۔
اَٹ ۔ نیوٹ اے ہے جو انگریزی دا سِکشک (سٹوڈینٹ) تاں ‘فونیٹکس’ پڑھے،
ایم اے سرائیکی دا سٹوڈینٹ وانجا راوھے، کیوں؟
مہز ایں سانگے جو
ڈیپارٹمنٹیں دے “اردو ٻانبھݨ” سوکھالے ریہن !
اے زلم ھݨ بند تھیوے۔
ماڈرن لنگوئسٹکس نہ پڑھیسو، تاں سرائیکی دی نویکلی ائیڈنٹیٹی ایسٹیبلش نہ کر سڳسو۔ اے پنجابی دا لہجہ والی تلوار سر تیں کھڑی راہسی۔
سرائیکی کوں ڈیسپلن پݨاوݨ وچ ھݨ اے سوجھ مسئلہ بݨدی پئی ئے جو:
سرائیکی تاں گھر دا ڈسپلین ہے۔ گھر دی باندی ئے۔
میں سرائیکی کوں وی سکھاں ودا !
ایندا تاں میں آپ ماھر آں۔
میں موہاݨے سائیں دی پاسو، اوبھے دیرے دی سرائیکی دے کجھ اوچیچے فیچرز دے بارے وچ ہک پوسٹ پڑھی ہے
پچادھ۔و(ویسٹ) دئیں یونیورسٹیاں وچ، زبان دے ایھو جھئیں کہیں ہک فیچر تیں ہی۔ایچ۔ڈی۔ز تھی وئیندئین۔
میں اونھیں دی چیتےکاری دا آدر کیتے۔ اتیں میں خاس اونھائیں کیتے، اونھیں دے ٖسیئے فیچرز دی کجھ فارمولیشن کیتی ئے، کیوں جو میکوں پتہ ئے، او اے سبجیکٹ انگریزی وچ وی ڃاݨدین
میکوں ٹھک، ہک کامنٹ ‘سادگی الائت’ دے کیتے ملیئے۔ سادگی مہز سرائکی کیتے ریہہ ڳئی ئے!؟
تہوں ارداس کیتی ئے جو:
سائیں ہوریں ہک شئے دی ریئایت ݙیوو۔
سِکشا وِدیا وچ ہک شئے ھوندی ئے، جیکوں ڈیسیپلن آھدین۔
کہیں نینگر کوں ڈاکٹر بݨیسو، تاں او ڈاکٹری دی پریکٹس آپݨے ڈیسیپلن سودھی کریسی۔
او بلڈ پریشر، کوں بلڈ۔پریشر ئی لکھسی، تیں اوندی ڳݨتر وی لکھسی تیں اَلیسی۔
مریز کوں /تیڊی رت تتی تھئی کھڑی ئے/ نہ آکھسی۔
ٻولی۔ زبان وی ہک ڈیسیپلن ہے، اتیں ایں اومرھا وچ، میں اے آکھ ݙیوݨ درست سمجھیندا جو ساݙئیں ہک ادھ سرائیکی یونیورسٹئیں دے اوستادیں، آپݨے ٻانبھݨ۔ پوݨے کوں بچاوݨ دی خاطر، لنگوئسٹکس کوں، سرائیکی ڈیپارٹمنٹس وچ آوݨ ئی نئیں ݙتا۔
سرائکی زبان دی سکشا کوں ماڈرن لنگوئسٹکس دی ٻہوں لوڑھ ہے۔ شگردیں وچ، ایندی بھوم وی ہے۔
اے ݙکھ دی ڳالھ ئے جو:
ایم۔اے۔ انگریزی دا سِکشک (سٹوڈینٹ) تاں ‘فونیٹکس’ پڑھے۔
ایم۔اے۔ سرائکی دا سٹوڈینٹ مہز اینہہ کیتے مہروم راوھے جو،
ڈیپارٹمنٹس دے اردو ٻانبھݨ سوکھالے ریہہ ونڃین۔
اج اے سوال چائو، تاں جو سرائیکی زبان کوں ‘سوکھ تے سادگی’ کنوں اڳو تیں تھیوݨ دا چانس ملے۔
اے زبان دی ائیڈنٹیٹی کیتے زروری ئے۔